Hayef again & again اشرايك نسحب جنسيتك انت؟ موضوع سليمان بو غيث

أطل علينا النائب الفاضل الهايف  محمد هايف بإقتراح إرجاع الجنسية الكويتية للناطق الرسمي بإسم تنظيم القاعدة الإرهابي، سليمان بو غيث. و شنو تتوقعون أسباب هالطلب؟ بكل بساطة، هايف يشرح لنا إنه أمريكا بكبرها رفعت إسمه من قائمة الإرهابيين، و بالتالي مستغرب ليش إحنا للحين مصممين على سحب جنسية بوغيث.

إنت أصلا مو مال الواحد يرد عليك. ما أدري متى الناس بتعوفك و ترفسك على إستهتارك المتكرر لدولتك الكويت. إنت مال تكون سعودي و الا قطري، يورونك السنع و يعلمونك الإحترام. إنت حرام عليك تكون كويتي، تحتمي ورا قوانين دولتك المدنية اللي سامحتلك إنك تتجاوز حدود المجتمع و الوطن بهالشكل المقزز.

إستح على وجهك و لو شوي. يعني مو كافي إحتقارك المتكرر لنشيدنا الوطني و مشاعرنا الوطنية، ناقصك بعد إنك تدافع عن إرهابيين، هدفهم الوحيد القضاء على كل دول الخليج المدنية؟ تدافع عن شخص من أهم معتقداته القضاء على الكويت، اللهم الكافي؟ 

بعدين إنت من متى تعترف بقرارات أمريكا، ياينا الحين تستشهد بكلامهم؟

نفاق، قل إحترام، إحتقار دولتك، دفاع عن إرهابيين…. عندك بعد شي نضيفه لقائمة الخزي؟

من الجريدة

3 Responses to Hayef again & again اشرايك نسحب جنسيتك انت؟ موضوع سليمان بو غيث

  1. عبدالوهاب العبدالعالي says:

    كل انسان يغلط

    أبو غيث تاب الى الله

    وين يروح غير ديرته

    تحياتي للنائب الفاضل البطل حامي الديار محمد هايف

    • buzfairy says:

      هذي المشكلة، بوغيث ما تاب، للحين يلعن الكويت بالإضافة الى معتقداته الإرهابية… اهو لو تايب، يتغير الموضوع… لو تايب و حاول جهده انه يثبت انه مسالم الحين، كان تغير الموضوع

      و لكن اخو ما تاب، أمريكا شالت إسمه لأنه تنظيم القاعدة نفسه ضعف و غير مهدد لأمنهم… خصوصا من الإرهابيين القدامى لأنهم معروفين جدا للجهات الأمنية

  2. aziz says:

    مزدوجي الجنسية و منهم هايف لا هم لهم سوى خلق الازمات

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>