Villa Moda Al-Manshar Under Foreclosure فيلا مودا المنشر تحت التصفية بأمر المحكمة

   

اليوم كنا راييحين المنشر نتعشى في جوني روكتس(اللي للأسف طلع مزحوم أكثر من المساجد وقت صلاة الجمعة)، فاضطرينا نتمشى لفندق المنشر شود تعجبنا اللوبي مالته و نقعد فيها… المهم و إحنا هناك، إكتشفنا إنه فيلا مودا المنشر مسكر… و هذا شي متوقع و عادي، بحكم مشاكل الشيخ ماجد مع المجموعة الجديدة اللي شروا فيلا مودا

لكن الغريب إنه حكم الإغلاق هذا اهو بأمر المحكمة، و بناء على طلب التمدين… اللي معناه إنه فيلا مودا مادفعوا أجار المكان من مدة طويلة، والا شان الموضوع ماوصل للمحاكم…. تتوقعون أكو بضاعة داخل؟ ما أتصور، لول، والا شان التسوق هناك بعد الإخلاء يسوى

حسافة على فيلا مودا… على مشاكلهم من: إشاعات إنه أغراضهم تقليد، إلين بضايع مواسم قديمة، إلين تضخم أسعار مبالغ فيها… يظل المكان وايد حلو، حق اللي يبي يتسوق حق كذا شغلة(رجالي، نسائي، أطفال، هدايا، كاجوال) بنفس الوقت

أنا مادري عنكم، بس أنا وحدة متحسفة إنه ماركات فيلا مودا محظفين تحظف في مجمع ٣٦٠…. الواحد يلف سبع لفات إن بغى يمر عليهم كلهم بنفس الوقت

Advertisements

4 Responses to Villa Moda Al-Manshar Under Foreclosure فيلا مودا المنشر تحت التصفية بأمر المحكمة

  1. ims85 says:

    ماعتقد انه ماجد الصباح له علاقه في فيلا مودا الحين
    اللي اعرفه انه استغنى عن حصته في فيلا مودا بعد الازمه الماليه من زمان

    محتظفين؟ قصدج متحذفين تحذف ..

    • buzfairy says:

      أوكي، كان قصدي محذوفين، لول

      و اي، ماجد الصباح ماله دخل بالشركة الحين… بس مادري اذا ماله دخل بمشاكل إيجار المنشر.. أظن ايه، له دخل

  2. ims85 says:

    Am sure he has nothing to do with it ;D

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s