صراحة السعدون الشجاعة

يعجبني جاسم السعدون صاحب مكتب الشال لما يصرح بالآراء المحرجة… معاه ألف حق، مستوى التعليم في أردى درجاته و ماكو سبب نكافئ المدرسين, من حلاة الخريجين بس 

المصدر

Advertisements

17 Responses to صراحة السعدون الشجاعة

  1. KAIFAN5 says:

    للاسف اغلبية النواب يفكرون بالاصوات الانتخابية والتكسب السياسي … مايفكرون بمصلحة الكويت

  2. buzfairy says:

    بالضبط…. السعدون قاعد يقول، خل الناس اللي بالسلطة يجتمعون و يحللون وضع الكويت خلال خمس سنين، مو أكثر

    و همن قاعد ينصح إننا نستفيد من مصيبة اليونان، و شلون ممكن نستفيد منها

    من منو اللي يسمع للأسف

  3. formil5 says:

    انزين ليش من حلاة الخريجين!!!!
    باسم طلبة امريكا

    اذا كنتي تتكلمين على تعليم المدرسين هذي شغله اما الخريجين شكو

    الحمدالله كاهم اشزينهم بامريكا والحمدالله شدو حيلهم بالثانويه ورافعين اسم الكويت الحمدالله

    • buzfairy says:

      من حلاة “الطلبة”…. ما أتوقع إنه مستواهم يشرف أي أحد

      و شكو أمريكا بالموضوع؟

      إذا طالب الثانوية قدر يلحق على عمره و يروح أمريكا “الغربية” و يرفع من مستواه الدراسي، فهذا مو معناه إنه مدرسينه اللي بالكويت مستواهم كان زين

      بالعكس، معناه إنه أمريكا إهي اللي قادرة تطور مناهجها عشان تناسب أي مستوى

      و الصراحة، السعدون يعرف شنو قاعد يقول… ماكو سبب لتمرير كادر المعلمين الا رشوة أكبر كتلة وظيفية بالكويت

      شوفوا مدرسين المادرس الأجنبية الخاصة بالكويت… يدامون كل يوم حتى الساعة ٣-٤… و يدامون أيام الويك إند

      بدون تحلطم و بدون منة….. خل مدرسين الحكومة يسوون نفس الشي

      • formil5 says:

        شنو الحين نطحس بالثانويه وندرس وانشق نفسنا شق ونطلع ابنسب عاليه اتقولين (( مستواهم ما اشرف )) اذا مستواهم ما أتشرف جان تلقينهم ما اكملون جامعه وعلى فكره ابجامعتي اب امريكا اصغر طالب موجود بالجامعه كويتي… وسالفة المدرسين لازم اكون في عدل يعني مدرس البدنيه ما ياخذ مثل مدرس اللغه العربيه مثلا

        مدرس اللغه العربيه خمس حصص ومو مقزرها مثل مدرس البدنيه…

      • buzfairy says:

        ماكو أسهل من القبول بجامعات أمريكا

        بكل داعوس جامعة

      • formil5 says:

        صح ابكل داعوس جامعه (:

        بس الله اسامحج الظاهر ما سمعتي عن ((( البلوك ))) اللي اتحطا الملحقيه الثقافيه التابعه للكويت على مزاجها مو كل الجامعات نقدر اندشها بالولايه الوحده جم جامعه مقبوله بس…. وانا من الناس اللي حيل تظررت بس الحمدالله على كل حال

        واشكرج على هالمناقشه واسفين اذا خرجت عن ايطار الموضوع *_^

      • buzfairy says:

        البوست مالي كان على مستوى مدرسين الكويت، و شلون لا أنا و لا الخبراء الإقتصاديين مقتنعين إنه زيادة معاشاتهم مقبولة

        إنت مصمم إنك تتكلم عن الطلبة لما يروحون أمريكا… حاولت أجاريك شوي، و لكن البوست الأصلي عن المدرسين و مستواهم… مو عن الطالبة الكويتيين اللي بأمريكا

        و أطمنك أعرف كل شي عن البلوك و الجامعات اللي مو معترف فيها… منها اللي صح تعبان و يستاهل سحب الإعتراف، و منها المحترم اللي أصحابنا خربوهم

        أنا أدري التعامل مع وزارة التعليم العالي متعب جدا جدا… و أنا من الناس اللي تضرروا بعد…. الجماعة اللي بالوزارة خذوا نص سنة عشان يعترفون بشهادتي…. و الحين بعد سنين طويلة، ضيعوا ملفي لأنني من الناس اللي درسوا على حساب أهلهم، لا إحنا بعثة و لا لنا دخل بمكاتبهم الثقافية و وزارتهم التعيسة…. فما إهتموا يحتفظون بملفاتنا

        و لكن هذا كله ماله دخل بالبوست مالي، أنا تكلمت عن المدرسين…. مستوى المدرسين تعبان إجماليا. و أصلا معاشاتهم عالية و وافية حتى بدون الكادر. كفاية إنه المدرس الجديد الخريج الطازج ياخذ أكثر من الخريج الجديد اللي من أمريكا و لندن و يشتغل بالبنوك أو الإستثمار….. و كفاية إنه بونصاتهم اللي ما بين ١٥٠٠-٨٠٠٠ أعلى حتى من كبار الموظفين بالبنوك

        المدرس الجديد، خريج الكليات التعبانة، يآخذ ٧٥٠ دينار، بينما خريج برة (أمريكا أو لندن) الي قرر يشتغل ببنك يآخذ ٤٥٠…. طبعا مع فارق التعب و الإلتزام و المعاملة

        أنا مستعدة لمناقشتك إذا بتعلق على البوست… إنما موضوع طلبة أمريكا، فللأسف خارج إهتماماتي….. هذي الوزارة و عمايلها….. نفس الوزارة اللي خرجت عشرات الآلاف من الفلبين و الهند، و لكن توقف بوجه و مستقبل ٣٠-٤٠ طالب بأمريكا لأنهم قرروا يدرسون بنفس الجامعة

        بس تحاكي منو؟ هاي الوزارة التعبانة

  4. formil5 says:

    عمره ١٧ سنه

  5. F says:

    السلام عليكم ورحمة الله وبركاته
    انا متابع لبعض مقالات الشال واعتقد انها تجابه عين الصواب لكن ساءني ما ورد في هذا المقال.
    زوجتي معلمة لغه عربيه اي نصابهم اربع حصص في الاسبوع يعني اربع ساعات وقفه على الريل هذا غير الاحتياطات والمناوبات والتحضير اليومي والاذاعه والانشطه والتصحيح. وازيدك من الشعر بيت دايما يشغلونهم شغل سكرتاريه ولا كأن كل مدرسه فيها ناظرة ووكيلتين ونص درزن اداريات
    الطلبه حدث ولا حرج قله ادب ومافي رادع لهم وصدقني ان شفت طالب مبدع او مؤدب يثلج صدر المعلم لانهم صاروا عمله نادرة
    في معلمات اجهضن بسبب تدخلهم في فك الهوشات بين الطلبه في معلمات يرجعون البيت كل يوم رايح صوتهم وصايبهم الوهن وفي معلمات يبدعن واخر شي يتم تحبيطهم من قبل الناظره او رئيسه القسم او الموجه والسبب عدم استخدامهم لوسائل البهرجه. في طلبه يوصلون رابع ابتدائي ما يعرفون يكتبون اساميهم والسبب القانون الذي يمنع سقوطهم
    مشكله المدارس مشكله اداريه بحته تبدء من الوزارة الى المنطقه التعليميه وتنتهي بالادارة المدرسيه لأن للاسف اسلوب الاداره اسلوب عصابات وشلليات. مشكله الطلبه في اولياء امورهم وفي تربيتهم برايكم مشاكل الطلاق والعنف الاسري المنتشرة في كويتنا الحبيبه ماراح تنتشر عدواها للمدرسة ؟ وللاسف بعض ضعاف النفوس من اولياء الامور ما يروحون اللقاءات والهده الا لمعاكسة المعلمات وانا شخصيا كنت اشوف هالشيء بعيني
    صح في معلمين ما يستاهلون لكن ايضا في معلمين يستاهلون والف يستاهلون لانهم ينطبق عليهم قم للمعلم وفه التبجيلا كاد المعلم ان يكون رسولا

    • buzfairy says:

      أنا ما اقصد معلم معين بالذات…. و لكن الحق لازم ينقال، مستوى التعليم الحكومي بالكويت واطي، و بالتالي ليس من المنطقي مكافأة القائمين عليه بدون سبب منطقي

      و إحترامنا لزوجتك طبعا…. و الشكر لك شخصيا على ردك العقلاني

  6. in-love-with-laguna says:

    قليل من المدرسين الي يحلل معاشه و يخاف الله في الطلبه و يعطي من قلبه فليليييييين
    لو ياهل جدامهم ينطق من ياهل ثاني ما يتحركون مالهم خلق اصلا يشيلون روحهم اشعليه الكادر

    يعني لو حطيتو الكادر بتسنعون !؟ و بيصيرون أكفاء
    بعض الناظرات و النظار يبيلهم تربية من اول و يديد

    • buzfairy says:

      البونصات حسب الكادر الجديد على ٦،٠٠٠ و ٨،٠٠٠ دينار، على حسب التقييم

      هذا طبعا بالإضافة الى معاشاتهم العالية أصلا، و إجازات ال٤ شهور السنوية

  7. 3ateeja says:

    totally agree with him

  8. شماليه says:

    محد عارف اللي صاير بالمدارس الا اللي عايش الوضع تتخيل وقت الامتحانات وصلت يشغلونا فراشات نمسح الطاولات بتنر علشان الطلبه وخرابيطهم عالطاولات ومافيه فراشات لان الوزارة ماتدفع لهم واذا احد رفض يقولون مو متعاون
    ممكن تقرا اخر مقالتين كتبتهم هنيه

    http://5yran.blogspot.com/

    • buzfairy says:

      أول شي أقدم رحترامي للناس اللي تطرح رايها بطريقة منطقية، مثل حضرتكم

      مريت على السريع على مقالاتك، و أظن عيب علي أعلق على كلامك من بعد ما قريتهم

      كلامك فيه منطق كبير، و متأكدة في ناس وايدة تأيدك فيه

      و لكن، من وجهة نظري الشخصية، نفس النقاط ممكن تنطبق على أي شخص آخر في أي مهنة أخرى…. و ما أشوف مهنة المدرسين أصعب من وظايف ثانية

      و للأسف مخرجات التعليم أكبر مصدة بدرب كادر المدرسين الخاص

      لو إن المخرجات مقبولة و معقولة، كان الكادر مر، مدعوم من كل الناس

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s