Kuwait’s Official Reaction to Irani Spies ردة فعل الكويت على جواسيس ايران

جزاء الاحسان و المعروف و الطيبة و الثقة اهو الخيانة؟

قبل كم شهر، و تحديدا في سبتمبر، كنت مسافرة للرياض و صدف انه المسافرة اللي يمي وحدة سعودية مثقفة و فاهمة، ذات شخصية متعلمة و جذابة

الحرمة هذي تصير خالة واحد من اعضاء مجلس الامة الكويتي، و معروف عنه انه دين و حامض و سني… يعني مو من ابطالي بالمرة

المهم، طول الرحلة كانت هذا المرأة الكبيرة في السن تكلمني عن خطر الشيعة و ايران على الكويت و انه احنا بالكويت من اللي غافلين لكم الله

الصراحة، انا رايي و كالعادة في مواضيع حساسة شذي، يكون عادة مع الحق و في اغلب الاحيان ضد الراي السايد و العاطفي

حاولت اشرحلها و اوضح انه شيعة الكويت ما لهم اهداف ارهابية و لادخل لهم بايران و مخططاتها…. ضحكت علي و دعتلي بالهداية

المهم…. كان كلامها مقنع و رزين و مليئ بالادلة، و متروس حرص و خوف على الكويت و الكويتيين

زبدة كلامها انه المفروض على الكويت انها ما تثق بايران و لا بكلام سياسيينهم، و انها تحتاط و تتخذ اجراءاتها بالحيطة و الحذر منهم في ضوء خياناتهم و اعمالهم السابقة، و انهم معروفين بالغدر و التخطيط الارهابي

الحين، عقب ٦ شهور من شوفتي لهذه المرة، و انا قاعدة اقرى عدد القبس اليوم، تذكرت كلامها حرف حرف

ماهان علي الكويت تسأل ايران شنو سبب هذي المخططات الارهابية… و لاهان علي استقبال ايران لطيبة و مساعدة الكويت بهذه الخيانة الجبانة

حز بخاطري انه ايران استغفلت طيبتنا و مساندتنا لها، بحكم حرصنا على ودية العلاقات، و انها ما عملت حساب او هيبة لنا بهذا الطريقة الدنيئة

معانا الف حق نسأل: ليش يا ايران؟ ليش مقابلة الاحسان بالخيانة؟ ليش جزاء سنمار؟

Advertisements

4 Responses to Kuwait’s Official Reaction to Irani Spies ردة فعل الكويت على جواسيس ايران

  1. امنه says:

    عفواً انا كمواطنة كويتية أحس بالاهانة

    انج جمعتي الشيعة في كلامج

    وحبيت أوضح للكل ان ولاء شيعة الكويت لآل صباح مو لايران مثل ما يدندن البعض

    المذهب كلش ماله دخل بالولاء ولا يقصون عليكم
    أصحاب اللحى والاخت الكريمة اللي بالطيارة تعدت على فئة
    كبيرة من أهل الكويت وبحكم انها فتحت هالحوار في رحلة طيارة

    تخيلي شكثر قاعد تأجج الفتنة بحوارها

    انا مو معترضة لأنها يابت طاري الخطر الايراني ، لأ

    انا محتجة لأنها يابت طارينا ( شيعة الكويت )

    • منى says:

      كلام امنه صح ليش حكمتوا على شيعة الكويت … وبعدين ترى مو كل الشيعة اصولهم ايرانية في واييد حساوية يعني اصلهم من السعودية مثلهم مثل نص شعب الكويت …يعني هذالي نقول ولائهم سعودي …

      خلينا اكبر من جذي كلام وبعدين الواحد قبل ما يكتب كلمة واحدة تنحسب له او عليه لازم يفكر الف مرة …خصوصا انه اللي يقروان ما يتسون بنفس مستوى التفكير والوعي

      • buzfairy says:

        ما ادي ليش الناس فاهمة غلط…. من ياب سيرة انه كل الشيعة من ايران

        بعدين الواحد لازم ما ينسى انه فيه وايد شيعة من مؤسسين الكويت من كذا قرن

        العتب و الشرهة على ايران، و على اي شخص متعاطف مع مخططات ايران الثورية الارهابية 

  2. Pingback: Kuwaiti Shei3a Reactions to Irani Spies Case تصريحات الشخصيات الشيعية بموضوع الجواسيس الايرانيين « The Buz Fairy

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s