Ironic Religiousness زين يسوون فيكم

Al-Qabas, Last Page

اهداء لكل الناس اللي تقيس ديانة الشخص بمظهره الخارجي… زين يسوون فيكم…. عندكم الحجاب و اللحية مقياس قرب الواحد لربه؟

هاكم، شوفوا هالخبول شمسوين…. مخدرات بمصحف…..  الله و أكبر الله و أكبر عليهم و على اللي صفق لهم و شجعهم على مناظر التدين الخداعة

ماقول الى عسى على هالحال و أردى… مادري من حطكم ولاة على الناس، تخيطون و تفصلون من بيدخل الجنة و النار على كيفكم

الدين أخلاق و احترام قبل أي شي ثاني، مو حجاب و لحية، يامن الكلام فيكم ضايع

هذا حد مخوخكم       Sauvage    صج انكم

Advertisements

21 Responses to Ironic Religiousness زين يسوون فيكم

  1. Ma6foog says:

    والله بز بالنسبه لي انا اللي اشتغل ببنك شفت الهوايل
    يعني ننصدم من الشكل وبعدين نشوف المضمون والمنتشر حاليا بين الرجال هو اللحيه الديكور وعلى قولة مندوب احد المتدينين شكليا فهذا الديكور هو لتمشية المعاملات الوزاريه حيث ان للحية احترامها على اساس التدين
    اما بالنسبه للحجاب فانا كنت من اشد المعارضين للسفور وعدم ارتداء الحجاب بعد سن معين اما الآن فانا انضر الى المرأه الغير محجبه نضرة احترام وانضر الى بعض وليس كل المحجبات نضرة اشمئزاز
    واقولها بالكويت … شنو يعني حجاب والرقبه طالعه والقذله لي بره ولابسه بدي والبنطلون ستريتش ومره مرت علي وحده والله لابسه تنوره ما بتحتها شي بس البوت كان وااايد عالي فماخذ مكان البنطلون بس المضحك المبكي انه بالجمعيه لمه نذلت بتاخذ شي من رف سفلي بان المستور … يعني مو فاهم اذا ما تبين الحجاب ليش تحجبتي اساسا … والا ستايل وماشي مع الموضه ؟؟؟
    اما بالنسبه للغير محجبات فانا انضر للكثير منهم ولم يخرجوا عن طور الادب الا فئة قليله ممن تشبه بالغرب فاخذت تلبس ما قل ودل من تنانير قصيره جدا وهذه كما قلت فئه صغيره من المجتمع

    واعتذر عن ردي القاسي ولكن … يضل لكل انسان رأيه سواء وافقه الجميع او عارضوا
    واقدم لكي تحياتي

    • buzfairy says:

      عيل فاتك اللي مريت فيه الاسبوع اللي طاف… كان عندي شغل بالديرة الظهر… خلصت و برد البيت… غلطت اني ييت من الدائري الثاني بين الشامية و كبفان و انت رايح على النزهة

      الله يالهوايا اللي شفتها… اهو مغازل، اهو شي يلوع الشبد…. والله اني بغيت ادعم ١٣ مرة

      يوم التفت على السيارة راعية الحركات الخطرة، و الا طلعوا محجبات… مومن عوايدي اتحرش، بس ذاك اليوم طقيتلهم هرن، بس ابيهم ايفكون الشارع من الشباب الي لاحقهم

      والا، ياحليلهم، لأنني بنت و مامني فايدتهم بشي، حقروا الأم اللي يابتني

      قلت أوريكم… مشيت جدامهم، كعيت بريك و وبرركت بوسط الشارع

      هذول المحجبات المنقبات ابعد مايكونون عن الديانة… و احنا اللي نبتلش

      ماني عارفة شلون مادخلت فيني…. لو تشوفها، وييها ابيض من الخرعة…. ترى عيب، مسويا روحها تكانة؟ و اهي الي نص السيايير اللي بالشارع بغوا يندعمون من مغازلها

      في هذي المواقف، اتمنى اني اكون من اللي يعصبون… كان هبدت فيها الأرض

      بعد هذا اللي قاصر… محجبات و منقبات و همن بايعين شرفهم… و احنا اللي نبتلش

      مالت عليهم من حجاب و نقاب و لحية

    • Ma6foog says:

      ههه تصير والله وصارت اكثر من مره … ويا كثر مصايب الناس الله يحفظ بناتنا واعيالنا وانشالله ما نشوف فيهم الا كل خير وهذوله والله فئه شاذه عن المجتمع وانعدمت فيهم التربيه لو عندهم اهل ماكان صار اللي صار
      وبالنسبه للنقاب للعلم انه اكثر من ٤٠٪ من المنقبات ليسوا في الحقيقه منقبات واحيانا ليسوا محجبات ولكن بسبب العادات والتقاليد وبس يطلعون من الديره او بالاحرى يركبون الطياره يقطون كل ما عليهم وصارت وايد بمصر واوربا وبعلم ابوها وامها بس يعني احتراما لكبار العايله فملبسينهم ما يحاكي العادات والتقاليد في البلد وهذا الكلام من صديق لي بدوي الاصل بس والنعم فيه نعم الاخلاق

  2. someone says:

    للأسف تنتقدون اللحيه والحجاب بس تصرفات شاذه من البشر وتنسون انه الرسول كان موصيهم والله للأسف التفكير العلماني قاعد ينتشر في هالديره وقبل ما تنتقدون وتقولون مات على الحجاب واللحيه ترا الرسول عنده لحيه و زوجاته كانو متحجبات يعني يا ريت الشغلات هذي توخرون عنها لانه انتم تطعنون بالرسول وعاداته قبل لات طعنون بالناس

    • buzfairy says:

      اول شي، كلامي ماهو تفكير علماني، و مايجوز تخلط الاتهامات بهذي الطريقة

      أنا عندي انتقادات على علامات النفاق الديني، و شلون الناس تستغل ثقة غيرهم بالدين و بالتالي يقدرون يخدعونهم بالأعمال الغير أخلاقية و غير قانونية

      اما عن كلامك عن الرسول ، عليه الصلاة و السلام، فأكيد ماني داخلة وياك بنقاش.

      • someone says:

        اهو شنو خرب الاسلام غير الناس تفكر في الاسباب اي شوف هذي متحجبه و تغازل هذا ملتحي منافق لو تبعدون التفكير الخاطئ جان الاسلام بخير وياريت تخلين افكارج لج و لاتددخلين في امور الدين لو سمحتي

      • buzfairy says:

        و شلي موعاجبك برايي؟ انه عندي حجج تثبت انه ملاحظاتي صحيحة؟

        وبعدين مالك حق تقول لأحد يخلي أفكاره له، و خصوصا في أمور الدين

        الدين سماحة و مسالمة، و مو تجعم و سكوت

      • someone says:

        ايي اول شي انتي حطيتي رايج العلماني في موضوع ماله علاقه بالدين لانه كفره يبون يشوهون الاسلام باهانه المسلمين بتدنيس القران وانتي على طول اييي هذا النفاق هذا الملتحين والمتحجبات ايييي شكوووو انشالله الله يهديج وتدافعين عن الاسلام بدال ما تهينين اللحيه والحجاب وقبل الاتطنزين انا قلتلج ترا تغلطين على اللحيه والحجاب يعني تهنين الرسول وزوجاته وثاني شي انتي المفروض تكونين محايده بمواضيعج

      • buzfairy says:

        أنا ماني جريدة والا وكالة اخبار عشان اكون محايدة

        و أنا ماني علمانية، و ماني شايفة رد عقلاني منك عشان أتكلم

      • someone says:

        للأسف عندج بلوق يعني تحطين مواضيع و شغلات واخرتها انا مو جريده ما شالله خوش رد ما اقول الى الله يهديج و صج تعبت نفسي معاج طلعتي مو قد البلوق 🙂

      • buzfairy says:

        Different ppl have different opinions.

        My blog, my rules 😉
        Sent from my BlackBerry® smartphone from Zain Kuwait

  3. Ali says:

    أولا المقال ما ذكر شي عن شكل الشخص الي مهرب المخدرات لا قالو ملتحي ولا قالو متحجبه ! شنو علاقه الموضوع بالمقال
    ثانيا اذا الشكل مو مقياس “وانه اتفق نوعا ما لكن الدين يحط ضوابط والحجاب فرض على حد علمي” اذا انت قاعد تعارض نفسك خل كل واحد يلبس الي يبي ولا تحكم على الشكل مثل ما تقول
    اذا اخر جمله “لكن الكلام فيكم ضايع” توجها حق كل ملتحي ومتحجبه ترا وايد منهم يفهمون اكثر مني ومنك واخلاقهم احسن ما يكون
    مع العلم انه لا ملتحي ولا متحجبه لكن احترم كل شخص يحترمني ويحترم نفسه بغض النظر عن دينه ولبسه دامه محتشم
    وشكرا…

    • buzfairy says:

      عندك نقطة مهمة…. المقال ماذكر انهم ملتحين

      الظاهر أنا اوتوماتيك استنتجت انهم ملتحين، مثل ما الناس تستنتج اوتوماتيك انه كل ملتحي و محجبة ملائكة

      و جملتي الأخيرة موجهة للي يتعامل مع الدين من منطلق نفاق الشكل الخارجي

      اما الملتحي و المحجبة اللي محترمين قرارهم، فانا ماتعرضت لهم أبدا

      يا ما في ناس ملتحين و محجبات يحببونك فيهم و في ديانتهم و احترامهم لقرارهم

  4. noora says:

    hello buz, Im a big fan of ur blog, have been for a while now 🙂 
    I actually admire the fact that u r REALLY outspoken, specially when it comes to politics 😉 I dont necessarily agree on all of it! but hey, its ur blog! 
    this post however shwy mmm, “estefazni” somehow
    when u said 
    الدين أخلاق و احترام قبل أي شي ثاني، مو حجاب و لحية، يامن الكلام فيكم ضايع

    true, Islam is a5laq we7teram, but it is also 7eshma! and 7ejab is 7eshma, mo bs 7eshma its farth. wil foroth asaseyat fe il den. 
    I just dont understand why people judge 7jab by the mo7ajabat! mo7ajabat are awadem eqle6on, wil qala6 fe kaba2er o fe lomam (saqa2er il omor). So lama mo7ajaba etkom mo mo7tarama, thats becuz SHE is mo mo7tarama! just leave 7jab out of it. To me, it’s like saying itha il wa7da mo met7ajba fa e7eq laha etha tabe etser qalelat adab or not! which is totally not true! 
    il a5laq ib sob wil mathaher ib sob. Sa7 il deen ehatheb il nafs, but dont assume ina every met7ajba lazem tkon perfect or la tet7ajab!
    Give 7jab and le7ya a brk, leave them out of it walah 7aram, il le7ya is sonna for God’s sake. Some mashaye5 also conside it farth. Mayser enqale6 fe le7jab o le7ya la2ana wallah that grp of ppl are projecting irritating attitude.      

    • buzfairy says:

      الظاهر أني لازم أوضح انه جملتي موجهة للناس اللي يستعملون الدين و الشكل الخارجي للديانة لغش الناس و خداعهم

      الحجاب و اللحية من الحريات الشخصية، أنا منو الي اعلق على كل الملتحين و المحجبات؟

      انما تعليقي هذا اهو امتداد لانتقادي للناس اللي تمثل و تخدع، بحكم المظاهر الخارجية للديانة مثل اللحية و الحجاب

      الأمثلة الي أنا أقصدها هي الملتحين اللي دخلوا بهوشة في المسجد الاسبوع اللي فات، و لا احترموا بيت الله

      مثلي الثاني اهو البنات المنقيات اللي على شارع الخليج، و تغازل و تتنهوص و عادي عندها ريال غريب يشيلها و يلمسها جذام الناس

      مثلي الآخر البنات المحجبات من كلية التربية بالشامية اللي يتمسخرون بشارع الحب و بالمغازل، لدرجة انهم يعطلون الشارع و الناس

      و مثلي الآخر اهو الأفلام الإباحية اللي لقوها في بيت اسامة بن لادن، عيب يخلي اللي يسوى و مايسوى يعيب على هذي الأفعال المنافية للدين

      عادة ما احتد بالطرح على البلوق، و لكن انهم يستعملون القرآن لتهريب ممنوعات و محرمات؟ أكيد بحتد

      ما اقول الا الله و اكبر عليكم
      اما هذول الرياييل اللي بالخبر، أنا استنتجت انهم ملتحين….. لأنه الصراحة، هذا الشكل من الاعمال المشينة للدين و اللي تصدمك من وقاحة و قلة احترامها للدين، عادة تكون من الملتحين و المحجبات اللي من فئة المنافقين بالدين

      • noora says:

        u r sterotyping!
         
        انتي افترضتي و على هالاساس اللي انتي خلقتيه كتبتي تعليقك.
        قد لا يكون المهرب ملتحي! و قد
        تكون البنت اللي صادافتيها بشارع الخليج مقصوبه على الحجاب.
        معناته انتي تظلمين الناس و تفرقينهم على حسب الشكل و المنظر! 

        الفكره بان بعض الناس تتخذ من مظهر الديانه للخداع قد يكون واقع، و واقع يقث انا معك ، لكن المفروض نقول عفيه على الشرطه او الجمارك اللي ما فاتتهم الحيله، هذا طبعا على افتراض ان الشخص كان ملتحي، واذا ما كان كذلك فقد خلطنا السوالف ابعض!!

      • buzfairy says:

        Yes, I was stereotyping.

        But you have to agree, that a lot of the people I had mentioned are the ones that mostly violate rules, laws, and common courtesy.

        My post was about how certain people can have a total disrespect to religion, and how they could stoop low enough as to use it to manipulate and violate laws.

        If society didn’t place such an angelic and saintly halo over religious probes like 7ijab and le7ya; then these criminals and their likes would never dare or have the courage to use the Quran, mosques, and religion as escape methods.

  5. Ali says:

    يمكن بالبدايه تكلمت عن موضوع الشكل واعتقد نتفق انه الشكل مو مقياس وكل فئه فيهم الزين وفيهم الشين
    ليش ما تاخذون الموضوع من ناحية انه المهرب استخدم المصحف وبالتالي اساء للمسلمين كلهم قبل لا يسيئ لفئه معينه، قبل لا اشوف شكله انه اعتقد انه هالشخص ابعد ما يكون عن الاسلام اساسا
    يمكن الموضوع مرتبط بالاخلاق قبل الشكل، الي تهاوشو بالمسجد والمنقبات الي يغازلون عالخليج ينقصهم أخلاق وتذكير بقيمنه كمسلمين

  6. امل says:

    أنا دائماً احرص على عدم التسرع بالردود وخاصة في الامور الدينيه حتى لا نقع بالأخطاء من ناحية الموضوع من الخطأ الحكم على الاخرين ونعمم حكمنا عليهم استغلال الدين يأتي من ناس اساسا لا دين لها ولا خوف من الله لا ندخل الحجاب ولا اللحيه مقياسنا على الاخرين ولاحظي ان اصحاب المنكر يفكرون دايما بأستغلال الدين تغطيه لجرائمهم فالمتحجبه قد تكون امك او أختك او خاله او عمه وكذلك الملتحي قد يكون احد أقربائك

    • buzfairy says:

      انا ماتسرعت بالحكم… انا شفت انه الخبر شنيع و بالتالي يسوى الانتقاد

      و انا موعلى منبر ديني عشان أتحرص بردودي، و وخاصة انني مو قاعدة أفتي على أحد

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s